2026 წლის პირველი ექვსი თვის წინასწარი შედეგებით, რუსებს შორის უცხოურ უძრავ ქონებაზე მოთხოვნის მხრივ საქართველო და მავრიკი მეხუთე ადგილს ერთად ინაწილებენ.
ამის შესახებ რუსული კომპანია NF Group-ის ანგარიშში წერია, რასაც TASS ავრცელებს.
პირველ სამ ქვეყანას შორის არაბთა გაერთიანებული საამიროები, ტაილანდი და თურქეთი, მეოთხეზე კი სერბეთია.
NF Group-ის ანალიტიკოსების მონაცემებით, საზღვარგარეთ ქონების შეძენის მთავარი მიზანი ბინადრობის ნებართვის მიღებაა, რაც მთლიანი ტრანზაქციების 53%-ს შეადგენს. პირადი ცხოვრებისთვის უძრავი ქონების შესყიდვებს მოთხოვნის სტრუქტურაში 27%-იანი წილი უკავია, ხოლო საინვესტიციო მიზნით შესყიდვები 20%-ს შეადგენს.
NF Group წერს, რომ „წლის პირველ ნახევარში უცხოური უძრავი ქონების მიმართ რუსი მყიდველების მიდგომა უფრო პრაგმატული გახდა. კერძოდ, ისინი უძრავი ქონების ობიექტებს არა მხოლოდ საცხოვრებელ ან საინვესტიციო შესყიდვად, არამედ კონკრეტული სტრატეგიული ამოცანის გადაჭრის ინსტრუმენტადაც სულ უფრო ხშირად განიხილავენ.“