იტალიაში ძლიერი სიცხის შედეგად 24 საათში ხუთი ადამიანი დაიღუპა – ინფორმაციას გამოცემა Guardian ავრცელებს და წერს, რომ 18 ქალაქში სიცხის გამო საფრთხის უმაღლესი დონე გამოცხადებული. მათივე ცნობით, დაღუპულთა შორის არიან: 2 კაცი, რომელიც მინდორში მუშაობისას დაიღუპა, ერთი პირი, რომელსაც სიცხის ფონზე გულის შეტევა დაემართა, ერთი უსახლკარო და ერთი მუშა, რომელმაც სამშენებლო ობიექტზე გონება დაკარგა.
გამოცემის ინფორმაციით, ექსტრემალურმა სიცხემ იტალიაში გამოიწვია შეფერხებები ელექტროსისტემის ქსელში, რის გამოც ფლორენციაში, უფიცის გალერეაში კონდიცირების სისტემა შეფერხებებით მუშაობდა.
Guardian წერს, რომ რამდენიმე რეგიონულმა მთავრობამ სამშენებლო და საკურიერო მომსახურების თანამშრომლებს აუკრძალა ღია სივრცეში მუშაობა, დღის ყველაზე ცხელ საათებში.