რემლში, რუსი ოლიგარქის, ალიშე რუსმანოვის გაზეთი “კომერსანტი” საკუთარ წყაროებზე დაყრდნობით წერს, რომ გადაწყვეტილება მიღებულია, რაც შეიძლება სწრაფად მოგვარდეს საკითხები, რომელიც სამხრეთ ოსეთს უკავშირდება და რომ ამ პრობლემების მოსაგვარებლად განხორციელდა საკადრო ცვლილებებიც.
ექსპერტები ამბობენ, რომ მზადდება ე.წ. სამხრეთ ოსეთისა და ჩრდილოეთ ოსეთის გაერთიანება.
მე-10 მოწვევის პარლამენტის წევრის, თეონა აქუბარდიას თქმით, ამ ვითარებაში სწორი პოლიტიკა იქნებოდა ამ ფაქტის დაგმობა პარლამენტის რეზოლუციით და დასავლელ პარტნიორებთან აქტიური კომუნიკაცია.
ეს არის ფაქტობრივი ანექსია და მხოლოდ და მხოლოდ გამოცხადება აკლია პუტინის მხრიდან ოკუპირებული ცხინვალის შერწყმას რუსეთის ფედერაციასთნ. ამ ვითარებაში, რა თქმა უნდა, სწორი პოლიტიკა იქნებოდა ამ ფაქტის დაგმობა პარლამენტის რეზოლუციით, სწორი პოლიტიკა იქნებოდა ჩვენ დასავლელ პარტნიორებთან აქტიური კომუნიკაცია იმისთვის, რომ ყველა საერთაშორისო ფორმატში ჩენ პარტნიორებს ამაზე გაეკეთებინათ ხმამაღალი განცხადება,” – თქვა თეონა აქუბარდიამ.
“ევროპული დემოკრატების” თავმჯდომარე, პაატა დავითაია აღნიშნავს, რომ საქართველოს ხელისუფლება დუმს და ქვეყანა ანექსიის ფონზე რუსეთთან პირისპირ რჩება.
პაატა დავითაია ხელისუფლებას მოუწოდებს, სწრაფად განახორციელოს გარკვეული ნაბიჯები, რაც მნიშვნელოვანი იქნება ანექსიის შესაჩერებლად.
გადაწყვეტილებები, რომლებსაც იღებს ეს პრეზიდენტი, მიანიშნებს იმას, რომ მზადდება ე.წ. სამხრეთ ოსეთისა და ჩრდილოეთ ოსეთის გაერთიანება. ამ ფონზე ხელისუფლება დუმს, ჩენ არ ვხედავთ მათ ქმედით ღონისძიებებს და ფაქტობრივად, ამ ანექსიის ფონზე ჩენ ვრჩებით პირისპირ რუსეთთან, რაც ყოვლად მიუღებელია და ცხადყოფს იმას, რომ რაღაც შეთქმულებას აქვს ადგილი საქართველოს სახელმწიფოს წინააღმდეგ, ამიტომ მოვუწოდებ ხელისუფლებას სწრაფად განახორციელოს გარკვეული ნაბიჯები, რაც მნიშვნელოვანი იქნება ანექსიის შესაჩერებლად,” – ამბობს პაატა დავითაია.