უკრაინის პრეზიდენტ ვოლოდიმირ ზელენსკის თქმით, სადაზვერვო მოხსენების შემდეგ განიხილეს რუსეთზე სანქციებისა და დარტყმების შედეგები, მათ შორის სამხედრო ინფრასტრუქტურის დაზიანება და რუსეთის მიერ საჰაერო თავდაცვის გადაჯგუფება, ასევე მზადება ომის გაგრძელებაზე უკრაინის საპასუხო ნაბიჯებისთვის.
“უპირველეს ყოვლისა, განვიხილეთ ამ ომის გამო რუსეთის წინააღმდეგ ჩვენი შორსმავალი სანქციების [დარტყმები] გეგმის შესრულება და ის ნაბიჯები, რომლებიც აუცილებელია მშვიდობის დასაახლოებლად. კერძოდ, ოკუპანტის ტერიტორიაზე განხორციელებულ ბოლოდროინდელ შედეგიან დარტყმებს შორის აღსანიშნავია ბალტიის ფლოტის არსენალზე, პეტერბურგის მახლობლად, 60 ათას ტონაზე მეტი საბრძოლო მასალის ლიკვიდაცია. გარდა ამისა, სამხედრო დაზვერვის მიერ ჩატარებულმა ანალიზმა დაადასტურა რუსული სამხედრო წარმოების იმ სიიდან დასახული მიზნების მიღწევა, რომლებიც საჭირო იყო. უკრაინის თავდაცვის ძალებმა ზუსტად დაარტყეს რუსულ საწარმოებს, რომლებიც აწარმოებენ რადიოელექტრონიკასა და სხვა კრიტიკულ კომპონენტებს რუსული არმიის საჭიროებებისთვის.
ასევე, დაზვერვამ მოიპოვა შიდა რუსული დოკუმენტები, რომლებიც შეიცავს უკრაინული შორსმავალი სანქციების [დარტყმების] შედეგების რეალურ შეფასებას. დაფიქსირებულია შექმნილ სიტუაციაზე რუსეთის ხელმძღვანელობის რეაგირების ზომებიც. ერთ-ერთი ასეთი ზომაა ჰაერსაწინააღმდეგო თავდაცვის სისტემების გადასროლა რუსეთის რეგიონებიდან მოსკოვსა და ქერჩის ხიდთან. ფაქტობრივად, სწორედ ამ ორი პერიმეტრის დაცვის ბრძანება მიიღეს რუსებმა საკუთარ ტერიტორიაზე და უკრაინის დროებით ოკუპირებულ ტერიტორიებზე სხვა მიმართულებების დასუსტების ხარჯზე. გამოვიტანთ დასკვნებს.
ცალკე მოხსენება მიეძღვნა რუსული სარაკეტო წარმოებისა და სტრატეგიული სამხედრო ავიაციის მდგომარეობას. ვამზადებთ ჩვენს ახალ, სრულიად სამართლიან საპასუხო ნაბიჯებს რუსეთის მიერ ომის გაჭიანურებასა და უკრაინის ტერიტორიაზე დარტყმებზე. მნიშვნელოვანია, რომ რაც შეიძლება მეტმა რუსმა გააცნობიეროს: ომს აჭიანურებს სწორედ რუსეთის ხელმძღვანელობის უარი დიპლომატიაზე. უკრაინამ წარადგინა შინაარსიანი დიპლომატიური წინადადებები” – ნათქვამია უკრაინის პრეზიდენტის, ვოლოდიმირ ზელენსკის გავრცელებულ განცხადებაში, რომელმაც უკრაინის თავდაცვის სამინისტროს მთავარი სადაზვერვო სამმართველოს უფროსის ოლეგ ივაშჩენკოს მოხსენება მოისმინა.