18 წლის შემდეგ დადგა ის დღე, როდესაც კიდევ ერთხელ გაჟღერდა, რომ რუსეთი დამნაშავეa – ამის შესახებ გიორგი ანწუხელიძის ცოლი, მაკა ჩიკვილაძე “მთავართან” საუბრობს.
“დღევანდელი გადაწყვეტილება ყველაზე მნიშვნელოვანია, 18 წლის შემდეგ დადგა ის დღე, როდესაც კიდევ ერთხელ გაჟღერდა, რომ რუსეთი დამნაშავეა. დამნაშავეა საქართველოსა და ჩვენი ჯარისკაცების წინააღმდეგ” – განაცხადა მაკა ჩიკვილაძემ.
საიამ სტრასბურგის სასამართლოში რუსეთის ფედერაციის წინააღმდეგ გიორგი ანწუხელიძისა და სხვა ქართველი სამხედრო პირების საქმეები მოიგო. ევროსასამართლომ დაადგინა, რომ გიორგი ანწუხელიძისა და სხვა ქართველი სამხედროების მიმართ რუსეთმა სიცოცხლის უფლებისა და წამების აკრძალვის მუხლები დაარღვია. საქმეები ადამიანის უფლებათა ევროპულ სასამართლოში 2009-10 წლებში გაიგზავნა და ჯამში 18 წლის განმავლობაში მიმდინარეობდა.