საქართველოს სტატისტიკის ეროვნული სამსახურის დირექტორის, გოგიტა თოდრაძის ინფორმაციით, მოსახლეობის 82% ანუ 3 223 მლნ კაცი მართლმადიდებელი ქრისტიანია.
ამის შესახებ გოგიტა თოდრაძემ განაცხადა.
„მოსახლეობის 82% ანუ 3 223 მლნ კაცი მართლმადიდებელი ქრისტიანია, რომელთა რაოდენობაც გასული 10 წლის განმავლობაში, გაიზარდა 4.1%-ით ანუ 126 ათასი კაცით. ქვეყანაში მუდმივად მცხოვრები მუსლიმი მოსახლეობის წილი 11.1%-ს შეადგენს. სომხური სამოციქულო ეკლესიის 2.6%, კათოლიკეების 0.6%, ხოლო დანარჩენი რელიგიის მიმდევრებზე, ჯამურად, 3.8% მოდის.
მოსახლეობის 85%-სთვის ქართული ენა წარმოადგენს მშობლიურ ენას. აღნიშნული მოქალაქეების რაოდენობა გაზრდილია გასული 10 წლის განმავლობაში 2.7%-ით ანუ დაახლოებით 89 ათასი კაცით. 6.8%-სთვის მშობლიური ენაა აზერბაიჯანული, 3.5%-სთვის სომხური, ხოლო 1.4%-სთვის რუსული”, – განაცხადა გოგიტა თოდრაძემ.