ლევან ხაბაიშვილის ინფორმაციით, ირაკლი კობახიძის მოხსნა იგეგმება – ენმ-ის პოლიტიკური საბჭოს თავმჯდომარე, “დღის ამბებისთვის” ციხიდან მიცემულ ექსკლუზიურ ინტერვიუში ამბობს, რომ მოქმედ პრემიერს საქართველოს ეკონომიკისა და მდგრადი განვითარების მინისტრი მარიამ ქვრივიშვილი ან იუსტიციის ყოფილი მინისტრი, თეა წულუკიანი შეცვლის.
პატიმრობაში მყოფი პოლიტიკოსი თვლის რომ “ქართულ ოცნებას” “ხრწნის ბოლო ეტაპი აქვს. კობახიძის რიტუალური მადლობები კი ივანიშვილის პანიკის, ისტერიკის გამოძახილია”:
აღარც მორალური, არც პოლიტიკური, არც ადამიანური რესურსები აღარ გააჩნიათ. უშინაარსო კრიმინალთა ჯგუფია, რომელიც დგას ძალადობაზე, შიშზე და ტყუილ პროპაგანდაზე. ხრწნის ბოლო ეტაპი აქვთ, თუმცა თუ მაყურებლის როლში დავრჩებით: ჩვენც დიდხანს მოგვიწევს ამ აყროლების სუნთქვა.
ივანიშვილის პანიკის, ისტერიკის გამოძახილია კობახიძის რიტუალური მადლობები… გამოყენებული ხელთათმანია და მალე ურნაში მოისვრის. წულუკიანი ან ქვრივიშვილი შეცვლის და ცხადია, ამით არაფერი შეიცვლება ხალხისთვის”- წერს TV პირველს ციხიდან ლევან ხაბეიშვილი.