თბილისის ფონიჭალის “აჰლი ბეითის” მეჩეთის Facebook გვერდზე გაზიარებულია ირანის უზენაესი ლიდერის, მოჯთაბა ხამენეის მიერ მაისის ბოლოს გავრცელებული ჰაჯის გზავნილი, რომელშიც ამერიკა “დიდ სატანად” არის მოხსენიებული და ნათქვამია, რომ მომავალში ლოზუნგები “სიკვდილი ამერიკას” და “სიკვდილი ისრაელს” მსოფლიოში გავრცელებულ საერთო შეძახილად იქცევა.
თბილისში მდებარე ფონიჭალის “აჰლი ბეითის” მეჩეთი დაკავშირებულია არასამთავრობო სტატუსით მოქმედ აჰლ ალ-ბაითის მსოფლიო კრებასთან, რომელიც რეალურად ირანული რეჟიმის მხარდაჭერით მოქმედებს და დასავლეთში ირანის სპეცსამსახურების საფარ ორგანიზაციად მიიჩნევა.
ფონიჭალის მეჩეთში, რომელიც ჰადსონის ინსტიტუტის კვლევის მიხედვით, საქართველოში მოქმედი პროირანული ქსელის ერთ-ერთი ყველაზე მნიშვნელოვანი შემადგენელი ნაწილია, ხშირად იმართება ანტიამერიკული და პროირანული ქადაგებები.