კონორ მაკგრეგორი არიელ ჰელვანისთან ინტერვიუში ილია თოფურიას შესახებ საუბრობს:
“ილიას ჩემნაირი ტატუები აქვს, იმავეს ამბობს, იგივე მოძრაობებს აკეთებს. იგივე მოძრაობებს აკეთებს. აწონვაზე ჩემსავით ყვირილსაც კი აპირებდა. მე ვიცოდი რომ ეს დაემართებოდა. ვიცოდი, უბრალოდ მისი ვარჯიშის ყურებით.
ვხედავდი მის ვარჯიშებს და ამ ყველაფერს. დარბაზში ვიღაცამ შენი ადგილი უნდა დაგანახოს. ეს გზები თავადაც მაქვს გავლილი. დარბაზში ბიჭებს უნდა უთხრა: მისმინე, ძმაო, თუ წამაქცევ აი, 1000 დოლარი ნაღდი ფული შენია. ხომ გესმით? ასეთი რაღაცები უნდა აკეთო. დარბაზში ეს უნდა გაიარო.
თუ პირველივე გონგიდან ხელებჩამოშვებული მიიწევ წინ, სასტიკად დაისჯები. ის ცოტა მოუქნელია, აქვს გარკვეული ხარვეზები. ჯერ კიდევ არ არის ბოლომდე ჩამოყალიბებული, სრულყოფილი მებრძოლი. მთლიან ტერფზე დგას და ფეხებით ბევრს არ მუშაობს. თუმცა კარგი მებრძოლია და პროგრესირება შეუძლია. რა თქმა უნდა, ახლა სახის მოშუშება დასჭირდება – სავარაუდოდ, საშინლად აქვს დაზიანებული.
მე ასეთ სიტუაციაში არასდროს ვყოფილვარ. ოქტაგონზე სისხლი მხოლოდ ერთხელ წამომივიდა. ასე რომ, მსგავს მდგომარეობაში არასდროს ვყოფილვარ. ის მაგრად მიბეგვეს და ამიტომაც დანებდა. ახლა ნამდვილად ძალიან მძიმე ფსიქოლოგიურ მდგომარეობაშია. მას საკუთარი თავისთვის ბევრი კითხვის დასმა მოუწევს. შეძლებს ამას? ვფიქრობ, კი. მჯერა, რომ ის ამას მოახერხებს. მას ექნება შესაბამისი მოტივაცია და დიდ წარმატებას ვუსურვებ” – თქვა კონორ მაკგრეგორმა.