“ქართულ ოცნებაში” ისევ ირწმუნებიან, რომ “ნოდარ მელაძის შაბათის” მიერ გავრცელებული კადრები, სადაც პოლიციის განყოფილებაში სამართალდამცველების მიერ მოქალაქეების წამებაა ასახული, სისტემურ დანაშაულს არ წარმოადგენს.
სისტემური დანაშაული არის, როდესაც პოლიტიკური ხელისუფლება იძლევა მესიჯს სამართალდამცავი ორგანოებისადმი, რომ ამ მიმართულებით რაც არ უნდა რეპრესიები ჩაატარო, მე შენ პოლიტიკურად დაგიცავ – თქვა მედიასთან თენგიზ შარმანაშვილმა.
დღეს “ქართული ოცნების” წევრმა არ დამალა და თქვა, რომ აღნიშნული დანაშალის ჩადენისგან არც ხვალ და არც ზეგ არ ვართ დაზღვეულები.
“შეიძლება რაღაც დანაშაული მოხდეს, მათ შორის საზარელი დანაშაული, მაგრამ სახელმწიფოს რეაგირება ექნება მოხლოდ მაშინ, თუ ამის ფაქტები ექნება ხელთ. სისტემური დანაშუალი რა არის? – სისტემური დანაშაული არის, როდესაც პოლიტიკური ხელისუფლება იძლევა მესიჯს სამართალდამცავი ორგანოებისადმი, რომ ამ მიმართულებით რაც არ უნდა რეპრესიები ჩაატარო, მე შენ პოლიტიკურად დაგიცავ , მაშინ, როდესაც კარტ-ბლანში, როდესაც კურთხევა ამის ჩადენისა პოლიტიკური ხელისუფლების მიერაა. კიდევ მოხდება ხვალაც, ზეგაც, დარწმუნებული ვარ…. რატომ ხდება ქურდობა, იმიტომ ხდება, რომ დაუსჯელობის განცდა აქვს ვინმეს? არა უბრალოდ, ადამიანი ხანდახან სჩადის ხოლმე დანაშაულს. ეს კრიმინოლოგიის საქმეა და შემიძლია ამაზე საათობით ვისაუბრო. სახელმწიფო ამის მიმართ არასდორს არ იქნება შემრიგებლური”, – აცხადებს თენგიზ შარმანაშვილი.
პროკურატურა ამ დრომდე არ ამბობს, დაუმძიმებენ თუ არა ბრალს მოქალაქეეების წამებაში მხილებულ პოლიციის თანამშრომლებს. ვიცით მხოლოდ ის, რომ პოლიციელებს, რომლებმაც პოლიციის სამმართლელოშო მოქალაქეები აწამეს, სამოხელეო დანაშაულს ედავებიან.
იურისტები და არასამთავრობო ორგანიზაციები სწორედ წამებსი კვალიფიკაციას აძლევენ იმ კადრებს, რაც შაბათს, ნოდარ მელაძის გამომძიებელი ჟურნალისტების გუნდმა აჩვენა საზოგადოებას.
“შაბათის ეთერის მიერ მოპოვებული” ვიდეო-კადრებით დგინდება, რომ მოქალაქეთა წამების კადრებს პოლიციელები თავად იღებდნენ და საერთო ჩათში აგზავნიდნენ – TV პირველის გამომძიებელმა ჟურნალისტებმა ამ ეტაპზე 5 ვოდეო-მასალაშის მოპოვება შეძლეს, სადაც პოლიციაში წამებისა და არაადამიანური მოპყრობის ფაქტები ჩანს – სახეზეა მინიმუმ სამი დაზარალებული.
ერთ-ერთი ვიდეომასალაში ცხადად ჩანს იძულება – უარის შემდეგ ახალგაზრდა კაცს, თავს კედელზე არტყმევინებენ.
პოლიციაში დაკითხვაზე მიყვანილი ახალგაზრდების წამების ზოგიერთ კადრში შესაძლებელია, სავარაუდო მოძალადე პოლიციელების გარჩევა, ისმის მათი ხმები და ჩანს ნაწილის სახეც.