საზოგადოებრივი მაუწყებლის ბორდის წევრები საზოგადოებრივი მაუწყებლისგან ახსნა განმარტებებს ელოდებიან – “ტვ პირველს” ლაშა ტუღუში უდასტურებს, რომ მიმართვა პირველ არხში უკვე გაგზავნილია. ბორდის წევრებს აინტერესებთ, როგორ ვერავინ შენიშნა პირდაპირ ეთერში 10 წლის ბავშვის იატაკზე დაცემა.
კადრების გასაჯაროვების შემდეგ, სადაც ბავშვს გული მისდის და ეცემა, არხმა მხოლოდ ერთი განცხადება გაავრცელა, რომელშიც ჩაწერეს რომ ვერაფერი დაინახეს.
“წერილით მივმართე დირექტორს, რომ რა ხდება – მივმართე ასევე სამეურვეო საბჭოს, რომ გაიმართოს ეს შეხვედრა. ველოდები, არსებობს თავმჯდომარე, რომელმაც წესით და რიგით უნდა დანიშნოს სხდომა, სადაც უნდა მოვისმინოთ გენერალური დირექტორის მოსაზრებები- პოზიცია. მე მას ასევე მოვთხოვე საბუთების წარმოდგენა. ასევე მოვთხოვე, თუ არ არსებობს სსეთი რამ, უნდა გაკეთდეს და წარმოდგინოს იმისთვის, რომს ამეურვეო საბჭო აუცილებალდ უნა იყოს ჩართული პროცესში და მან აუცილებლად უნდა გაარკვიოს რაშია საქმე და აუცილებლად უნდა მოსთხოვს პასუხი, თუ პასუხია მოსათხოვი – ვისზეა მოსათხოვი, როგოს არის მოსათხოვი. ყველაფერი უნდა გააკეთოს სამეურვეო საბჭომ”, – აცხადებს ლაშა ტუღუში.
ცნობისთვის, 10 წლის გოგონას დედა, თამარ აკობია ამბობს, რომ მომხდარის შემდეგ ბავშვს როგორც ფიზიკური, ისე ფსიქოლოგიური დახმარება სჭირდება.
ქალის თქმით, მისი შვილის დაცემის შემდეგ ადგილზე მყოფმა პასუხისმგებელმა პირებმა სათანადო რეაგირება არ მოახდინეს, ბოდიში არ მოუხდიათ და მომხდარის მნიშვნელობას დღემდე ვერ აცნობიერებენ. მშობელი არ გამორიცხავს, რომ საქმეზე სამართლებრივ დავასაც დაიწყებს.