ფილიპინებში ძლიერი მიწისძვრის შედეგად სულ მცირე 19 ადამიანი დაიღუპა, 200-ზე მეტი კი დაშავდა – მიწისძვრა ფილიპინების სამხრეთ კუნძულზე, მინდანაოში, გენერალ სანტოსის სანაპიროსთან მოხდა. მიწისძვრის სიმძლავრე 7.8 მაგნიტუდა იყო. მას 140-მდე ძლიერი ბიძგი მოჰყვა.
ფილიპინების სამოქალაქო თავდაცვის ოფისის წარმომადგენლების ცნობით, მიწისძვრა ადგილობრივი დროით, 7:37 საათზე მოხდა.
ფილიპინებმა, ინდონეზიამ და იაპონიამ მიწისძვრის შემდეგ ცუნამის წარმოქმნის შესახებ გაფრთხილება გაავრცელეს. პრეზიდენტმა, ფერდინანდ მარკოსმა მოსახლეობას მოუწოდა, სანაპირო ზოლში ყოფნისგან თავი შეიკავონ და კუნძულის სიღრმეში გადავიდნენ.