26 ივნისს ვატიკანში „სიქსტეს კაპელაში“ თბილისის სამების ტაძრის მგალობელთა გუნდმა კონცერტი გამართა, როემლსაც საქართველოს პრეზიდენტი სალომე ზურაბიშვილი დაესწრო.
აღნიშნულ ფაქტს მამა დავით ნოზაძე ქადაგებისას გამოეხმაურა და განაცხადა, რომ პაპის წინ გალობა ცოდვაა.
„ვინ არის პაპი? ასეთი კითხვა შეიძლება დაისვას.
ამაზე პასუხობენ ეკლესიის მამები:
პაპი არის ერესიარქი, არის ყველა უბედურების მომტანი, რაც ხდება დასავლეთში. თქვენ იცით, პაპიზმის სახით ეკლესიას მოწყდა დასავლეთი. პაპიზმში აღმოცენდა პროტესტანტიზმი. ამას შემდეგ მოყვა ფილოსოფიური მოძღვრებები და ბოლოს მივიდნენ იქამდე, რომ დაივიწყეს ყველაფერი.
დღევანდელი ევროპა რომ იხრჩობა უზნეობაში, ეს ყველაფერი არის ამ ერთი ადამიანის დამსახურება. ამ ერთ ადამიანში ეს პაპი არ იგულისხმება…იგულისხმებიან ის პაპები, რომლებმაც დაიწყეს დამახინჯება დედაეკლესიისა…
ჩასვლა ვატიკანში და პაპის წინ გალობა არის ცოდვა. თქვენ ნუ იფიქრებთ, რომ პაპი მხოლოდ წარსულში ებრძოდა ეკლესიას. პაპი ახლაც ებრძვის ეკლესიას, მას აქვს სურვილი, რომ დაიმორჩილოს აღმოსავლეთი ანუ მართლმადიდებლები. სწორედ ამიტომ ხვდება აღმოსავლეთის პატრიარქებს, ეპისკოპოსებს…” – განაცხადა მამა დავით ნოზაძემ