ქუთაისში ავტომობილიდან დიდი ოდენობით თანხა და ლეპტოპი მოიპარეს – ინფორმაციას ადგილობრივი მედია ინფო იმერეთი ავრცელებს.
მათივე ცნობით, შემთხვევა ქუთაისში, სერგი მესხის მეოთხე შესახვევის N26-ის მიმდებარე ტერიტორიაზე მოხდა. გამოცემის ცნობით, უცნობმა პირებმა ავტომობილიდან ნივთები, მათ შორის ლეპტოპი და ჩანთა მოიპარეს, რომელშიც დიდი ოდენობით ფული იყო. ადგილობრივი მედია წერს, რომ მიმდებარე ტერიტორიაზე დამონტაჟებულმა ვიდეოკამერებმა ფაქტი დააფიქსირეს. დაწყებულია გამოძიება.