“ერთიანი ნაციონალური მოძრაობა” 20 ივნისს დაანონებულ ანტისაოკუპაციო აქცის შეუერთდება. ამის შესახებ პარტიის წევრმა ირაკლი ფავლენიშვილმა საგანგებო ბრიფინგზე განაცხადა და მოქალაქეებს საპროტესტო მარშში მონაწილეობისკენ მოუწოდა.
ფავლენიშვილის განცხადებით, 20 ივნისი საქართველოს უახლეს ისტორიაში ერთ-ერთი უმნიშვნელოვანესი თარიღია და უკავშირდება 2019 წლის მოვლენებს, როდესაც, მისი შეფასებით, “ოცნების” ხელისუფლებამ ანტისაოკუპაციო აქცია ძალის გამოყენებით დაშალა.
მისივე თქმით, დღეს რუსული გავლენის წინააღმდეგ ბრძოლა „გადამწყვეტ ფაზაშია“ და სწორედ ამიტომ 20 ივნისის აქციას განსაკუთრებული მნიშვნელობა ენიჭება.
“ერთიანი ნაციონალური მოძრაობა” უერთდება გუშინ რუსთაველის გამზირზე სამოქალაქო ჯგუფების მიერ დაანონსებულ 20 ივნისის საპროტესტო მარშს, აქციას. ჩვენ მიგვაჩნია, რომ 20 ივნისი არის ერთ-ერთი უმნიშვნელოვანესი თარიღი საქართველოს ისტორიაში, როდესაც პირველად საქართველოს ხელისუფლებამ გაბედა ანტისაოკუპაციო აქციის ბრუტალური სისხლიანი დარბევა კრემლის საამებლად. მაშინ ათეულობით ახალგაზრდამ მიიღო ისეთი მძიმე დაზიანება, რომელიც მათ ცხოვრებაზე აისახა, თუმცა რა თქმა უნდა, ქართველ ხალხს, ქართველ ახალაგზრდობას არ შეუჩერებია ბრძოლა თავისუფლებისთვის. 20 ივნისი არის მნიშველოვანი იმიტომ, რომ ივანიშვილმა დაიწყო ახალი ეტაპი ძალაუფლების კონცენტრაციის დაჩაბეტონების დიქტატურის, რუსიფიკაციის პროცესი დაჩქარდა და ჩვენ კარგად ვხედავთ დღეს, რომ არა მხოლოდ სახელწიფო ინსტიტუტებია რუსიფიკაციის საფრთხის ქვეშ კი არა, ფაქტობრივად, რუსული გავლენა ბოლომდეა შეღწეული, არამედ რუსიფიკაცია მოედო საქართველოს ქალაქებსაც. თბილისში და ბათუმში, სამწუხაროდ, ხშირად მოისმენთ რუსულ ენას, ვიდრე ქართულ ენას. უძრავი ქონება არის უფრო მეტად ოკუპანქტი ქვეყნის წარმომადგენლების ხელში და ეს ყველაფერი ემუქრება სასიცოცხლო საფრთხედ ჩვენს ქვეყანას. ამიტომაც, ანტისაოკუპაციო აქცია 20 ივნისს არის როგორც არასდროს მნიშვნელოვანი. ბრძოლა არის გადამწყვეტ, ფინალურ ფაზაში რუსული გავლენის წინააღმდეგ. ამიტომ, ყველას მოგიწოდებთ, 20 ივნისს, საღამოს 19:00 საათზე შევიკრიბოთ ფილარმონიასთან და შევუერთდეთ ამ საპროტესტო მარშს. “ნაციონალური მოძრაობა: 20 ივნისამდე სხვადასხვა კამპანიურ ღონისძიებებში მიიღებს მონაწილეობას და უფრო მეტ ადამიანს მოუწოდებს, რომ ჩაერთოს 20 ივნისის ამ მნიშნელოვან ანტისაოკუპაციო აქციაში. გელოდებით ყველას 20 ივნისს!, – განაცხადა ირაკლი ფავლენიშვილმა.