“საძინებელში არ დაუძნებია, ტატამები გვაქვს შეკერილი, რომ ბავშვებმა იკოტრიალონ და იმაზე წამოუწვენიათ” – ასე პასუხობს თბილისის ერთ-ერთი საბავშვო ბაღის დირექტორი, ბელა გაბუნია “პირველების” კითხვას, როგორ აღმოჩნდა მცირეწლოვანი ბავშვი იატაკზე.
ბაღში ადასტურებენ, რომ ძალადობაში მხილებული ბაღის პედაგოგები სამსახურიდან გაუშვეს. მომხდარზე ახლა გამოძიებაა დაწყებული. სამი წლის ბავშვის მშობელი კი მოითხოვს, რომ პასუხისმგებლობა დაეკისროს ბაღის დირექტორსაც, რომელიც მისი თქმით ყველაფრის საქმის კურსში იყო, მაგრამ არაფერი გააკეთა.
ბაღის დირექტორი, ბელა გაბუნია “პირველებთან” ამბობს, რომ აღმზრდელები “შავ დღეში ჩაყარა”, იმასაც აცხადებს, რომ ეს თანამშრომლებსი დასჯა პასუხისმგებლობას არ არიდებს.
მშობელთან ერთად მე თვითონ ვნახე ეს კადრები. გავუშვი ორივე სამსახურიდან, მაგრამ ისინი ამბობდნენ, რომ დედის მოთხოვნა იყო, ბავშვები დაეძინებინათ. (კითხვა – იატაკზე უნდა დაეძინებინათ?) რა თქმა უნდა არა, საძინებელში ბავშვს ჰქონდა თავისი საწოლი, არ დაუძინებია ბავშვს და იმიტომ, რომ იქ ვერ გაჩერდებოდა, წამოუღიათ, ტატამები გვაქვს სპეციალური შეკერილი ბავშვებისთვის, რომ არ იკოტრიალონ და წამოუწვენიათ მასზე.
მშობლისთვის არ გვითქვამს, რომ ბავშვი იტყუებოდა, როცა მითხრეს, კადრები გადავახვიეთ, როგორ ფიქრობთ, მე ამას მოვუწონებდი ჩემს თანამშრომლებს? მე მანამდე კადრები რომ გადავამოწმე, ბავშვს არ სძინავს, ჩემს წინ თამაშობს, იმ დროს როცა უნდა ეძინოს. ვიდრე მშობელმა არ მომმართა, მანამდე არ მინახავს კადრები, იმიტომ, რომ ტელეფონში მქონდა ლაივ-კამერები. ტელეფონი გამოვცვალე და შესაბამისად კოდი ვერ გადმომივიდა. არ ვარ ისეთი ტიპი, რომ წავიდნენ მშობლები, შავ დღეში ჩავყარე და გავუშვი აქედან. ვუთხარი, ამას თუ დაგაჯეროთ ნახეთ, მე თვითონ მივიღე ზომებს-თქო. რა თქმა უნდა პასუხისმგებლობას არ მარიდებს ის, რომ (შავ დღეში ჩავყარე აღმზრდელები).- ამბობს ბელა გაბუნია.
ცნობისთვის, ბავშვის მშობელი ბაღის აღმზრდელებს ძალადობასა და გულგრილობაში ადანაშაულებს – ედიტა დანელიანმა “პირველებს” მიაწოდა სათვალთვალო კამერების ჩანაწერები საბავშვო ბაღიდან, სადაც ჩანს, რომ პედაგოგები სამი წლის ბავშვს სხვების თანდასწრებით აშიშვლებენ და საძინებელი ოთახის ნაცვლად დაძინებას საერთო ოთახში, იატაკზე აიძულებენ.
კადრებში რასათანადო მოპყრობის რამდენიმე ეპიზოდი ჩანს. მასალის დაშიფვრით ასევე დგინდება, რომ პედაგოგები ბავშვებს ერთი თეფშიდანაც კვებავენ.
საუბარია მუხიანში მდებარე კერძო ბაღ “ბელმარზე” – მშობელი ამბობს, რომ 3 წლის ბავშვი იმყოფება მძიმე ფსიქოლოგიურ სტრესში და საჭიროებს რეაბილიტაციას