ჰოლივუდის ერთ-ერთი ყველაზე პოპულარული წყვილი, ანჯელინა ჯოლი და ბრედ პიტი 12 წლიანი ურთიერთობის შემდეგ, 2016 წელს დაშორდნენ. განქორწინების პროცესი საკმაოდ დიდხანს გაგრძელდა. ჯოლიმ განაცხადა, რომ დაშორების მიზეზი „ოჯახის კეთილდღეობა“ იყო.
ცოტა ხნის წინ პიტმა განაცხადა, რომ მეუღლესთან დაშორების გამო ის ალკოჰოლზე დამოკიდებული გახდა და ანონიმურ ალკოჰოლიკთა ჯგუფშიც გაწევრიანდა.
“ანჯელინასთან ცხოვრების ბოლო პერიოდში ძალიან ბევრს ვსვამდი, რაც პრობლემად მალევე იქცა. ცოლთან განქორწინების შემდეგ ანონიმურ ალკოჰოლიკთა ჯგუფს შევუერთდი. ძალიან კარგი ადამიანები შემხვდნენ და ჩვენი საუბრები ნამდვილად კონფიდენციალური იყო, რის გამოც ვგრძნობდი, რომ ნამდვილად უსაფრთხოდ ვიყავი” — განაცხადა ბრედ პიტმა. მსახიობმა რამდენიმე დღის წინ GQ-სთან მიცემულ ინტერვიუში ისიც დასძინა, რომ ჯგუფთან ერთად 18 თვე გაატარა, რაც ბევრი პრობლემის გადალახვასა და ალკოჰოლზე დამოკიდებულების დაძლევაში დაეხმარა.