მაშველები მტკვარში გადავარდნილ ავტომობილსა და მის 36 წლის მძღოლს უკვე 48 საათზე მეტია ეძებენ. ტერიტორიაზე საგანგებო სიტუაციების მართვის სამსახურის თანამშრომლები ამ წუთებშიც მუშაობენ.
მტკვრის მარცხენა სანაპიროზე ავტოსაგზაო შემთხვევა 2 ივნისს გვიან ღამით მოხდა. როგორც თვითმხილველები ყვებიან, მანქანა მდინარეში გალაკტიონის ხიდის მიმდებარე ტერიტორიიდან გადავარდა. 3 ივნისს შსს-მ გაავრცელა ინფორმაცია, რომ მტკვარში მანქანის გადავარდნის ფაქტზე ერთი პირი დააკავეს: “გამოძიებით დადგინდა, რომ ბრალდებულმა მიმდინარე წლის 2 ივნისს, მისი მართვის ქვეშ არსებული ავტომობილით გადაადგილებისას შექმნა ავარიული ვითარება და შეეჯახა იქვე მოძრავ ავტომობილებს, რის შემდეგაც ერთ-ერთი ავტომობილის მძღოლმა საჭე ვერ დაიმორჩილა და მდინარე მტკვარში გადავარდა”.