ჯანდაცვის მინისტრი დიუშენის სინდრომით დაავადებული მოზარდების მშობლებთან შეხვედრის დეტალებზე საუბრობს – მიხეილ სარჯველაძის თქმით, მთავრობის ადმინისტრაციაში მისულ მშობლებს მან და ირაკლი კობახიძემ განუმარტეს, რომ ეძებენ გზეს, რათა რაც შეეძლება სწრაფად და რაც შეიძლება ეფექტიანად მოინახოს გადაწყვეტილებები.
სარჯველაძე ამბობს, რომ დასახელებული მედიკამენტებიდან ორთან დაკავშირებით ნაკლები კითხვები არსებობს – “ყველაფერი ეს აუცილებლად საჭიროებს ძალიან დეტალურ ანალიზს”.
მიხეილ სარჯველაძის განმარტებით, “რა წამს იქნება მზად გადაწყვეტილება მისაღებად, ყოველგვარი დაყოვნების გარეშე, ასეთი გადაწყვეტილება იქნება მიღებული”.
“არ არის მარტივი ამ საკითხებზე გადაწყვეტილებების მიღება. ვინაიდან საუბარია 4 ტიპის მედიკამენტზე, რომელთა ირგვლივ სტატუსიც, მდგომარეობაც, განწყობაც, პოტენციალიც, გადაწყვეტილების მიღების მზადყოფნაც კი აბსოლუტურად თვისობრივად განსხვავებულ ეტაპზეა. აი ამ დასახელებული მედიკამენტებიდან ორთან დაკავშირებით ნაკლები კითხვები არსებობს, სხვასთან მიმართებაში მეტია ეს კითხვები და ა.შ. რა თქმა უნდა, ყველაფერი ეს აუცილებალდ საჭიროებს ძალიან დეტალურ ანალიზს.
იყო საუბარი ისეთ საკითხებზე, რომელიც ეხებოდა მაგალითად პოლიტიკოსების მხრიდან ამის არასწორად გამოყენებას და ა.შ. ბუნებრვიია ხაზი გაესვა იმ გარემოებას, რომ უპირველესად, ჩვენ ერთმნიშვნელოვნად ვართ განწყობილები საიმისოდ, რომ რაც შეეძლება სწრაფად და რაც შეიძლება ეფექტიანად მოინახოს გადაწყვეტილებები, რომელიც იქნება რეალურად სასარგებლო თითოეული იმ პაციენტისთვის, რომელსაც უნდა ემსახურებოდეს ასეთი გადაწყვეტილებები. ჩვენ უახლოეს მომავალში სავარაუდოდ, ისევ გვექნება ასეთი შეხვედრა. ამ საკითხებზე კიდევ გაგრძელდება მსჯელობა და როგორც ეს დასაწყისში აღინიშნა, რა წამს იქნება მზად გადაწყვეტილება მისაღებად, ყოველგვარი დაყოვნების გარეშე, ასეთი გადაწყვეტილება იქნება მიღებული”, – ამბობს მიხეილ სარჯველაძე.