რამდენიმე დღის წინ სამეწარმო დიზაინერმა ზვიად ციკოლიამ სოციალურ ქსელში პოსტი გამოაქვეყნა და საზოგადოების განხილვის ობიექტი იქცა. მოგვიანებით მან საკუთარი პოსტი განმარტა და აღნიშნა, რომ „კაი მთქმელს კაი გამგონი უნდა“.
ცოტა ხნის წინ დიზაინერმა ამ თემასთან დაკავშირებით კიდევ ერთი სტატუსი გამოაქვეყნა და გამოთქმული აზრისთვის საზოგადოებას მადლობა გადაუხადა.
“ყველას მადლობა გამოთქმული აზრისთვის. ჩემი პოსტი საჭირო პირველ რიგში ჩემთვის იყო, რომ კიდევ ერთხელ გამეკეთებინა დასკვნები და შესაბამისად ვიმოქმედო “დახმარების თხოვნაზე”. გავიგე რომ დიდი ბოღმაა დაგროვილი, გავიცანი ახალი და ძველი მეგობრები. ისიც გავიგე რომ საზოგადოებას პრობლემა არ ჰქონია რადგან ჩემი პოსტი გახდა ასეთი განხილვის საგანი და არა განათლება, ეკოლოგია ან უამრავი სხვა პრობლემა. კიდევ ერთხელ მადლობა ყველას!” – წერს ციკოლია