“ქართული ოცნების” დეპუტატი თენგიზ შარმანაშვილი პოლიციელების მიერ გორში მომხდარ ძალადობას ეხმაურება:
“გაეცანით, ალბათ, საგამოძიებო კომისიის დასკვნას, რომელიც შემდგომ პარლამენტმა დაამტკიცა. აი, რა არის სისტემური და სისტემატური დანაშაული, შეგიძლიათ იქ აღმოაჩინოთ. როდესაც არა მხოლოდ ძალადობრივ ფაქტებთან გვქონდა საქმე, შემდგომში, გამოძიების დროს ფაქტების გაყალბებასთან გვქონდა საქმე. იქ არის უამრავი მასალა, რომლის სასამართლოს გადაწყვეტილებებით არის დადასტურებული და მათ შორის, საერთაშორისო სასამართლოს გადაწყვეტილებებით. ნაციონალურმა მოძრაობამ თუ თვითონ არ ახსოვს, ან თუ ახალი თაობის ხალხია იქ მისული, მე ვურჩევ, 460 გვერდია თუ არ ვცდები და გადაიკითხოს ეს გვერდები და კარგად მიხვდებიან, რა არის სისტემური და სისტემატური დანაშაული. ყველამ ძალიან კარგად უნდა იცოდეს, ჩვენ არავის არ მივცემთ საშუალებას, რომ სამართალდამცავ ორგანოებს ყალბი რაღაცები დააბრალოს და ჩირქი მოსცხოს. მათი დამცველები ვიქნებით ყველა კანონიერ ქმედებაში. მაგრამ, არავინ მათ ხელს არ დააფარებს, თუ ხელი წაუცდებათ დანაშაულზე, მით უმეტეს, ძალადობრივ დანაშაულზე” – თქვა თენგიზ შარმანაშვილმა.