გიორგი იგივე ზაკო წკრიალაშვილი, ბესიკ ქვრივიშვილი და ალეკო ბადალოვი – ეს ექვსიდან ის სამი დაკავებული პოლიციელია, რომელმაც გორში ორი მოქალაქის წინააღმდეგ სასტიკი დანაშაული დაგეგმა და სისრულეში მოიყვნა. დიდი საზოგადოებრივი პროტესტის შემდეგ, პოლიციელები ღამით დააკავეს. დაკავებულია კრიმინალური პოლიციის 5 და საპატრულოს ერთი თანამშრომელი, თუმცა ვიდეომასალაში ჩანს, რომ მოქალაქეებზე სასატიკ ანგარიშსწორებაში უფრო მეტი ძალოვანი მონაწილეობს.
ამ დრომდე თანამდებობაზე რჩება, შიდა ქართლის კრიმინალური პოლიციის უფროსი – სერგი ბზიშვილი. ის გუშინ პოლციელების მოწყობილი სასტიკი დანაშუალიდან რამდენიმე წუთში შემთხვევის ადგილზე იყო. ის შეიძლება იყოს საქმის მოწმე – ან გავლენა მოახდინოს სხვა მოწმეებზე, თუმცა თანამდებობას ბზიშვილი მაინც ინარჩუნებს. არ ჩანს არც სულხან თამაზაშვილი – დღეს უწყების სახელით კამერის წინ მოადგილე, ალექსანდრ დარახველიძე გამოჩნდა და ბრალდება ნაცემ კაცს იქით წაუყენა.
რა მოხდა გორში? – როგორ დაიწყო ძალადობა და როგორ იქცა ბანკის თანამშრომელი ჯგუფური ძალადობის მსხვერპლად, დეტალებს პირველებს ლოცულშვილის ადვოკატი უყვება, ის იხსნებს, როგორ აოიღეს სამინზეში 29 წლის კაცი გორის პოლციიის თნამშორმელებმა?
ერთ ერთი ვერსიით სპეცოპერაციაზე ქუჩაში გასულ პოლიციელებს 29 წლის ახალგაზრდა სხვა პირში და ავტომობილით საავარიო სიტუაცია შეუქმნეს. ავტომობილის არასწორ მანევრზე ლოცულაშვილმა ძალოვნებს შენიშვნა მისცა, რასაც აგრესია და სასტიკი თავდახმა მოჰყვა. 29 წლის კაცზე სასტიკი ანგარიშსწორება დაუსახლებელ ადგილას 3 ეტაპად განხორციელდა
ნეკნის მოტეხილობა, დაბეჟილობები სახის და მუცლის არეში და სისხლჩაქცევები – ნაცემი ახალგაზრდა წუხელ ვივამედში გადმოიყვანეს. ლოცულაშვილის ოჯახის წევრები პირველებთან ამბობენ, რომ ნაცემი კაცი შოკურ მდგომარეობაშია, ის მძიმე ფსიქოლოგიური სტრესის ქვეშაა. მომხდარზე საუბარი უჭირს ლაშა აბისულაშვილსაც, რომელიც პოლიციამ მეგობრის დახმარების გამო სცემა.