დღეს, 28 მაისს, 19:00 საათზე, გორში – პოლიციის შენობის წინ საპროტესტო აქცია გაიმართება – ინფორმაციას ამის შესახებ “დაიცავი ილიაუნის” სტუდენტი ლაშა ჯანჯღავა ავრცელებს.
გუშინ, 27 მაისს, გორიდან გავრცელდა კადრები, სადაც ჩანს, რომ კომბინატის დასახლებაში პოლიციელები მოქალაქეებს ფიზიკურად გაუსწორდნენ და დააკავეს. მოგვიანებით პროკურატურამ გაავრცელა განცხადება, რომ გორში პოლიციელების მხრიდან მოქალაქეებზე ძალადობაზე გამოძიება დაიწყო. საღამოს კი პირი, ვისზეც პოლიციელებმა იძალადეს, დააკავეს. ამის შემდეგ, რამდენიმე საათში, ლოცულაშვილმა გორის წინასწარი მოთავსების იზოლატორი დატოვა და ექსპერტიზაზე გადაიყვანეს.