საქართველოს მინიფეხბურთის ნაკრებმა ევროპის ჩემპიონატზე (EMF Euro 2026) პირველი მატჩი ინგლისის წინააღმდეგ გამართა და ბოლო წამებზე გამარჯვება მოიპოვა.
საქართველოს ნაკრებს ვეტერანი მეკარე, „დინამო თბილისისა“ და საქართველოს ნაკრების ყოფილი კარის დარაჯი კონსტანტინე სეფიაშვილი კაპიტნობს, ხოლო მთავარი მწვრთნელი ბესარიონ არველაძეა.
მატჩის პირველი ნახევარი უგოლოდ დასრულდა. შეხვედრაც ასე მთავრდებოდა, მაგრამ ბოლო, 50-ე წუთზე (ტაიმები 25-წუთიანია) გიორგი ზუნტუროვის ზუსტი დარტყმით საქართველოს ნაკრებმა 1:0 მოიგო.
ტურნირს 26 მაისიდან 4 ივნისის ჩათვლით სლოვაკეთის დედაქალაქი ბრატისლავა მასპინძლობს. ჩვენი ნაკრების მეტოქეები ჯგუფურ ეტაპზე, ინგლისის გარდა, ესპანეთისა და რუმინეთის ნაკრებები არიან. მატჩების პირდაპირ რეპორტაჟს პირველი არხი სპორტი შემოგვთავაზებს.
ჯგუფური ეტაპის კალენდარი:
28 მაისი, 16:45 | საქართველო – ესპანეთი
30 მაისი, 19:15 | რუმინეთი – საქართველო