ოპოზიციის ალიანსის მანქანა, რომლითაც დინამიკები გადაჰქონდათ, პოლიციამ წაიყვანა.
ჯერჯერობით, უცნობია, რა მიზეზით გააჩერეს მანქანა და რატომ მიიღეს გადაყვანის გადაწყვეტილება.
პარლამენტთან „ოპოზიციის ალიანსის“ მიერ ორგანიზებული საპროტესტო აქცია მიმდინარეობს. პროტესტის მონაწილეები რუსთაველის გამზირზე მსვლელობით თსუ-ს პირველი კორპუსიდან მივიდნენ. მათ გააჟღერეს საქართველოს ჰიმნი, მიტანილი აქვთ საქართველოსა და ევროკავშირის დროშები.