რუსი პროპაგანდისტი რეჟისორი ოკუპირებულ ცხინვალში მდინარე ლიახვმა გაიტაცა. ანა ტიცის ამ დრომდე ეძებენ მაშველები, მაგრამ მის კვალს ვერავინ აგნებს.
სამძებრო სამუშაოები უკვე მესამე დღეა გრძელდება. არის ვარაუდი, რომ ტიცი საქართველოს მიერ კონტროლირებად ტერიტორიაზე გადმოისროლა დინებამ, ამიტომ საოკუპაციო რეჟიმი დახმარებს ქართულ მხარეს სთხოვს.
არსებული ინფორმაციით, ანა ტიცი ცხინვალის რეგიონში ფილმის გადასაღებად იყო ჩასული, ის უკრაინის წინააღმდეგ ოსი მებრძოლების შესახებ ამზადებდა ნამუშევარს.
გავრცელებული ინფრომაციით, მასთან ერთად მდინარეში გადავარდა მისი კოლეგაც, მაგრამ მოხერხდა მისი მდინარიდან ამოყვანა. არსებული წყაროებით, ორივე ალკოჰოლური თრობის ქვეშ იმყოფებოდა.