ჟურნალისტი, ირაკლი ტაბლიაშვილი:
ჩვეულებრივი მოქალაქე ხარ!.. ამ სფეროში უვიცი!
მთავრობა გეუბნება, რომ წამლის ფულს ვერ გამოჰყოფს, რამდენადაც კვლევები არ დასრულებულა!
უთუოა, კითხულობ სხვა აზრსაც – რომ ერთმა თუ მეორე ქვეყანამ დაუშვა ეს პრეპარატი! რომც არ კითხულობდე, ხედავ, როგორ ითხოვენ წამალს გამწარებული მშობლები! გრძნობ, რომ ცოტა ან დიდი ხნით გაუხანგრძლივდებათ სიცოცხლე ბავშვებს!
ოღონდ, ჩვეულებრივი მოქალაქე ხარ!.. საბოლოოდ არც არაფერი იცი ამ საკითხზე! ამ ამბავზე!
ამ დროს რაღაც ჯგუფმა გამოაცხადა, რომ გროვდება თანხა! ერთმა შენმა ნაცნობმა გადარიცხა, მეორემ… მესამემ! მთავრობა შოკირებულია! უკვე აგროვდა 70 ათასი… 100 … 200… 300… შენ ანგარიშზე გაქვს 3 ათასი… რას შვრები?
მთავრობას ენდობი? რომელიც ხმაგაკმედილია? რატომ? რაღატომ?
ააა… შენ ხომ არ გინდა რომ შენი გვარ-სახელი გამოჩნდეს! მამუკა გაკონტროლებს? მაშინ მიეცი ეს თანხა შენს მეგობარს… ეს თანხა კი არა, 30 ლარი!
სთხოვე, გადარიცხოს!არ შვრები?
მგონი, იმიტომ არ აკეთებ ამას, რომ… არაფრით განსხვავდები გოგა ხაონდრავასაგან! ეს უკანასკნელი ხომ ის კაცია იუბკაში.. რომელმაც თქვა, რომ ეგენიც აინშტაინები არ მყავდნენო… მოკვდნენო! (აშკარად ჰოკინგის თქმა უნდოდა… გოგას იუბკაში).