დიდი ოდენობით ქრთამის აღების ბრალდებით დაკავებული სუს-ის ყოფილი მაღალჩინოსანი, ლევან ახობაძე თანამდებობაზე ყოფნის პერიოდში ბიძინა ივანიშვილისთვის ადამიანების პირადი ცხოვრებისა და საქმიანობის შესახებ ე.წ “კრებსებს” ამზადებდა – ამის შესახებ 5 წლის წინ, 2021 წლის 1 აგვისტოს, ნიკა გვარამიამ გადაცემა “მთავარ აქცენტებში” ისაუბრა.
ნიკა გვარამიამ პირდაპირ ეთერში წაიკითხა სუს-იდან მოპოვებული ოპერატიული კრებსი, სადაც საუბარი იყო სასულიერო პირებზე, ოპოზიციის წარმომადგენლებზე, ჟურნალისტებზე, მთავრობის ადმინისტრაციის მოქმედ და ყოფილ თანამშრომლებსა და მათ პირად ცხოვრებაზე. გვარამიას განცხადებით, ყველა ეს ინფორმაცია 2020 წლის წინასაარჩევნო პერიოდსა და მიმდინარე წელს ასახავდა.
გვარამიას განცხადებით, ლევან ახობაძე 2020 წელს სახელმწიფო უსაფრთხოების დეპარტამენტის (სუდ) ხელმძღვანელი იყო, შემდეგ კი ის დააწინაურეს და ლილუაშვილის მოადგილედ დანიშნეს.