პატრიარქ შიო მესამეს მიხეილ ყაველაშვილთან პროევროპულ აქციებზე დაკავებული პატიმრების შეწყალების თემაზე არ უსაუბრია – ამის შესახებ საპატრიარქოს საზოგადოებასთან ურთიერთობის სამსახურის ხელმძღვანელმა, ანდრია ჯაღმაიძემ “ტვ პირველს” განუცხადა.
მისი თქმით, დელეგაციის წევრებთან ერთად ამ საკითხზე საუბარი ვერ მოხერხდებოდა.
ცნობისთვის, მიხეილ ყაველაშვილმა მისი უწმინდესობის აღსაყდრებასთან დაკავშირებით საქართველოში ჩამოსულ სტუმრებს პრეზიდენტის სასახლეში უმასპინძლა. სასახლეში იმყოფებოდნენ შიო მესამე და სინოდის სხვა წევრები.