ქობულეთიდან მოპარული ხელნაკეთი ველოსიპედი, რომლითაც იაპონელმა მოგზაურმა 45 ქვეყანა მოიარა, ადგილობრივმა პოლიციამ იპოვა. ამის შესახებ ინფორმაცია თავად მოგზაურმა, ნაოია ტაბი-ბიტომ, გაავრცელა.
32 წლის მოგზაურის განცხადებით, მისი სატრანსპორტო საშუალება განსაკუთრებული და უნიკალური იყო. მისი თქმით, სწორედ ამ ველოსიპედით 57 ათას კილომეტრზე მეტი აქვს გავლილი, რის გამოც მას მხოლოდ გადაადგილების საშუალებად არ აღიქვამდა.
ამ დროისთვის უცნობია, შეძლეს თუ არა სამართალდამცველებმა სავარაუდო ქურდის იდენტიფიცირება და გავიდნენ თუ არა მის კვალზე. გამოძიების დეტალები ჯერჯერობით არ საჯაროვდება.