ისრაელმა „ჰამასის“ ლიდერ იზ ალ-დინ ჰადადის ლიკვიდაციის მიზნით მის ადგილსამყოფელსა და ავტომობილზე ავიაიერიში მიიტანა.
ისრაელის პრემიერ-მინისტრმა, ბენიამინ ნეთანიაჰუმ და თავდაცვის მინისტრმა, ისრაელ კაცმა ერთობლივ განცხადებაში აღნიშნეს, რომ ჰადიდი 7 ოქტომბრის სისხლიანი თავდასხმის ერთ-ერთი შემოქმედი იყო.
როგორც ისრაელის ერთ-ერთმა მაღალჩინოსანმა მოგვიანებით განაცხადა, წინასწარი მონაცემები მიანიშნებს, რომ ავიაიერიში წარმატებული აღმოჩნდა და ჰადადი, სავარაუდოდ, ლიკვიდირებულია.
ღაზაში მყოფი ექიმების ცნობით, ამავე ავიაიერიშის დროს დაიღუპა სამი და დაშავდა 20 ადამიანი, თუმცა, დადასტურებული არ არის, გარდაცვლილებს შორის არის თუ არა ჰადადი.