26 მაისის ღონისძიებების ნაწილობრივი დაფინანსებისთვის მთავრობის სარეზერვო ფონდიდან 8 081 647 ლარი გამოიყოფა – თანხა თბილისსა და რეგიონებში საზეიმო ღონისძიებებთან დაკავშირებული აქტივობებისთვის დაიხარჯება. თბილისში, 9 აპრილის ბაღსა და ორბელიანის ქუჩების მიმდებარე ტერიტორიაზე შემეცნებით-გასართობი სივრცეების მოწყობაა დაგეგმილი, ასევე გაიმართება გალა კონცერტი, სადაც მონაწილეობას მიიღებენ მუსიკოსები და მომღერლები. 17:10 საათზე საზეიმო აღნიშვნა იქნება პრეზიდენტის სასახლისა და მიმდებარე ტერიტორიაზე, პარალელურად გაჟღერდება საქართველოს ჰიმნი როგორც სადგურებზე, ისე მატარებლებში.
თანხები გადანაწილებულია სხვადასხვა სამინისტროებზე:
თავდაცვის სამინისტრო – 2 422 778 ლარი
კულტურის სამინისტრო – 2 000 000 ლარი;
რეგიონული განვითარების სამინისტრო – 825 000 ლარი;
ინფრასტრუქტურის სამინისტრო – 695 259 ლარი;
გარემოს დაცვისა და სოფლის მეურნეობის სამინისტრო – 692 555 ლარი;
შერიგებისა და სამოქალაქო თანასწორობის საკითხებში სახელმწიფო მინისტრის აპარატი – 660 220 ლარი;
იუსტიციის სამინისტრო – 470 000 ლარი;
ჯანდაცვის სამინისტრო – 315 835 ლარი.