ბათუმის ქუჩები მასშტაბური პროტესტია – უამინდობის მიუხედავად, მერიასთან უკიდურესაც შეჭირვებული მოქალაქეები შეიკრიბნენ. უსახლკაროდ დარჩენილი ადამიანები და მძიმე სოციალური პრობლემების მქონე ოჯახები ადგილობრივ ხელისუფლებას გულგრილობაში ადანაშაულებენ. ინფორმაციას “ტვ პირველი” ავრცელებს.
საუბარია უსახლკაროებზე, რომლებიც სოციალურად დაუცველი ადამიანები არიან, მათ შორის, მარტოხელა დედები, შშმ პირები, ოჯახში ძალადობის მსხვერპლი ქალები… ეს ადამიანები რამდენიმე წლის განმავლობაში მართავდნენ აქციებს ბათუმის მერიასთან და აჭარის მთავრობასთან, თუმცა წლებია მათი საცხოვრებელი პირობებით, შემოსავლებით, ან მოთხოვნის რეალურობით „ოცნების“ მთავრობა არ დაინტერესებულა.
აქციის მონაწილეებს რამდენიმე წუთის განმავლობაში პიკეტირებული ჰქონდათ აჭარის მთავრობისა და ბათუმის მერიის ადმინისტრაციული შენობების შესასვლელები, მოძრაობა პარალიზებული იყო გზაზეც.
ხალხი ამბობს, რომ ბათუმი ცათამბჯენების ქალაქად არის გადაქცეული, ბიზნეს დიდი მოგება აქვს, თავად კი უსახლკაროდ არიან დარჩენილები. მოსახლეობა აცხადებს, რომ საპროტესტო აქციები გაგრძელდება მანამ, სანამ ხელისუფლება კონკრეტულ გადაწყვეტილებებს, ვადებსა და ქმედით ნაბიჯებს არ დაასახელებს.
მოქალაქეების ნაწილი, რომელიც უსახლკაროების აქციაზე იმყოფებოდა, ქობულეთიდანაც იყო.ხალხის თქმით, მიწები, რომელიც ქობულეთში გიორგი რამიშვილმა შეისყიდა, მათი მამაპაპისეული მიწებია, მათ ამ საკითხზე არ აქვთ სასამართლო დავა, თუმცა ბიზნესმენს სთხოვენ მათი მოთხოვნები დააკმაყოფილოს.