ბათუმის მერიასთან სხვადასხვა სოციალური პრობლემის მქონე მოქალაქეები შეიკრიბნენ და ბათუმის მერთან, გიორგი ცინცაძესთან შეხვედრას ითხოვენ.
შეკრებილები აცხადებენ, რომ ადგილობრივი მთავრობა მათ მოთხოვნებს არ ითვალისწინებს და მოქალაქეებს არ ხვდება.
საპროტესტო აქციაზე იმყოფებიან სოციალურად დაუცველები, უსახლკარო პირები, წინაპრების მიერ დატოვებული მიწების რეგისტრაციის მსურველები და გარე მოვაჭრეები.
აქციაზე შეკრებილები ამბობენ, რომ მაღალმთიან აჭარაში მცხოვრები ეკომიგრანტები სამომავლოდ საპროტესტო აქციაში ჩართვას გეგმავენ, რათა მათი მოთხოვნები მთავრობას გადასცენ.
სხვადასხვა სოციალური პრობლემის მქონე მოქალაქეები პროტესტის ნიშნად ბათუმის ქუჩებში მსვლელობას გეგმავენ.