მამუკა მამულაშვილი უკრაინაში 10 საუკეთესო სამხედროს შორის დაასახელეს – გამოკითხვაში სხვადასხვა ქვეყნის სამხედრო ექსპერტები და ჟურნალისტები მონაწილეობდნენ – მისი მიზანი კი სამხედრო პირებს შორის საუკეთესო, ელიტარული ათეულის გამოვლენა იყო. შედეგები Youtube არხზე Молитва світла-ზე გამოქვეყნდა. ჩამონათვალში მამუკა მამულაშვილმა მესამე ადგილი დაიკავა.
ქართველმა მებრძოლმა მოგვიანებით Ambebi ge-სთან ინტერვიუში გამოკითხვის შესახებ ისაუბრა:
“პირველ რიგში მინდა გითხრათ, ამ გამოკითხვის შესახებ ბევრი არაფერი ვიცი, თუმცა მადლობა მინდა გადავუხადო უკრაინელებს “ქართული ლეგიონის“ დაფასებისთვის. ეს დაფასება მხოლოდ მე კი არა, ყველა იმ მებრძოლს ეხება, რომლის თავდადებაზეც დგას ლეგიონი. მე ყველაზე მეტად ის მეამაყება, რომ ზოგადად ქართველები ყველა უცხოელისგან გამოირჩევიან საბრძოლო სულისკვეთებით. რაც შეეხება ჩემი ნახატების გამოფენას, საკმაოდ რთული ისტორია უძღოდა უძღოდა წინ, თავდაპირველად დნიპროს მუზეუმში იყო წარმოდგენილი, მაგრამ რუსებმა საგამოფენო სივრცე დაბომბეს, რის შედეგადაც ექსპოზიციის ნაწილი განადგურდა. ეს ფაქტი მოგვიანებით თავად გამოფენის კონცეფციის ნაწილად იქცა და სპეციალური ინსტალაციის სახით აისახა, როგორც ომის, კულტურისა და გადარჩენის ერთიანი სიმბოლო” – თქვა მამულაშვილმა.
მამულაშვილმა ამავე ინტერვიუში საქართველო-უკრაინის ურთიერთობებზეც ილაპარაკა:
“ჩემი შეფასებით, სიტუაცია ჯერ კიდევ რთულია, რადგან რუსული სპეცსამსახურების გავლენა რეგიონში, მათ შორის საქართველოშიც, ბოლომდე არ არის შემცირებული. ამიტომაც ვერ ვიტყვი, რომ ამ მიმართულებით რაიმე ცვლილება მოხდება. თუმცა ჩვენ მაინც ვრჩებით უკრაინაში საქართველოს ელჩებად. მე მგონია, რომ აქ ჩვენ წარმოვადგენთ ქართველი საზოგადოების ინტერესებს და არა ირაკლი კობახიძე, ან “ქართული ოცნების“ რომელიმე სახვა ლიდე რი” – თქვა მამულაშვილმა.