“შეწყალება ქრისტიანული სათნოებაა და იმედი მაქვს, რომ შესაძლებელია, ასეთი რამ განხორციელდეს” – მეუფე დანიელი

საერთოდ, შეწყალება ქრისტიანული სათნოებაა და იმედი მაქვს, რომ შესაძლებელია, ასეთი რამ განხორციელდეს, – ამის შესახებ ჭიათურისა და საჩხერის მიტროპოლიტმა მეუფე დანიელმა ჟურნალისტებთან განაცხადა, რითაც პატიმრების შესაძლო შეწყალებასთან დაკავშირებით დასმულ კითხვას უპასუხა.

„ჩვენ ვფიქრობთ, რომ ყველა ადამიანი, რომელიც თავის შეცდომას მოინანიებს შეიძლება, რომ იყოს შეწყალებული,“ – განაცხადა მეუფე დანიელმა.

გარდა ამისა, მეუფე დანიელმა ახალი პატრიარქის ინტრონიზაციაზე ისაუბრა და აღნიშნა, რომ „უნდა გაგრძელდეს ის გზა, რომლითაც პატრიარქი ილია II მოდიოდა“.

„კონკრეტულად, გატარდება ყველა ის [რეფორმა], რაც საჭიროა ჩვენი საეკლესიო ცხოვრებისთვის და რაც საჭიროა ჩვენი საზოგადოებისთვის,“ – აღნიშნა მან.