იანვარ-მარტის პერიოდში, ევროკავშირში უნებართვოდ მყოფი საქართველოს 692 მოქალაქე დააბრუნეს – ამის შესახებ შინაგან საქმეთა სამინისტროს 2026 წლის პირველი კვარტლის სტატისტიკურ მონაცემებში აღნიშნულია.
როგორც ოფიციალური მონაცემებიდან ჩანს, 2026 წელს ყველაზე მეტი საქართველოს მოქალაქე გერმანიიდან დააბრუნეს, რომელსაც მოსდევს საფრანგეთი და იტალია.
უფრო კონკრეტულად, „ბიზნესპრესნუსი“ შინაგან საქმეთა სამინისტროს სტატისტიკაზე დაეყრდნოთ გთავაზობთ იმ ქვეყნების ათეულს, საიდანაც ყველაზე მეტი ქართველი გამოაბრუნეს:
გერმანია – 377 პირი
საფრანგეთი -104 პირი
იტალია – 40 პირი
პოლონეთი – 30 პირი
შვეიცარია – 22 პირი
საბერძნეთი – 21 პირი
ირლანდია -18 პირი
ესპანეთი – 14 პირი
ჰოლანდია – 14 პირი
ბელგია – 11 პირი
შეგახსენებთ, რომ საქართველოსა და ევროკავშირს შორის „უნებართვოდ მცხოვრებ პირთა რეადმისიის შესახებ“ შეთანხმება 2011 წლის 1-ელ მარტს ამოქმედდა. შეთანხმების საფუძველზე ხდება ევროკავშირის ტერიტორიაზე არალეგალურად მცხოვრები საქართველოს მოქალაქეების საქართველოში დაბრუნება. შეთანხმება ასევე ითვალისწინებს მესამე ქვეყნების მოქალაქეთა საქართველოში დაბრუნებას შეთანხმებით დადგენილი პირობების საფუძველზე. რეადმისიასა და ტრანზიტთან დაკავშირებულ ყველა სატრანსპორტო ხარჯს, საბოლოო დანიშნულების სახელმწიფოს საზღვრამდე, მოთხოვნის წარმდგენი სახელმწიფო აანაზღაურებს.
წყარო: bpn.ge