“ახლა ძალიან მძიმე ჯვარი აქვს ახალ პატრიარქს, შიო მესამეს” – ამის შესახებ “ლელო – ძლიერი საქართველოს” ერთ-ერთმა ლიდერმა გიორგი სიორიძემ სვეტიცხოვლის საკათედრო ტაძარში ინტრონიზაციის შემდეგ, ჟურნალისტებთან განაცხადა.
მან მეუფე შიოს უსურვა, რომ ღირსეულად ატაროს არა მხოლოდ მართლმადიდებელი ეკლესიის მწყემსმთავრის ფუნქცია, არამედ ის დიდი ფუნქციაც, რომელიც ჰქონდა ილია მეორეს.
“ახლა ძალიან მძიმე ჯვარი აქვს ახალ პატრიარქს შიო მესამეს, რომელსაც მე ვუსურვებ, რომ ღირსეულად ატაროს არა მხოლოდ მართლმადიდებელი ეკლესიის მწყემსმთავრის ფუნქცია, არამედ ის დიდი ფუნქციაც, რომელიც ჰქონდა ილია მეორეს – ქართველი ხალხის მაკონსოლიდირებელი და ერის გამაერთიანებლის ფუნქცია.
მე ვულოცავ სრულიად საქართველოს, მართლმადიდებელ ეკლესიას, მართლმადიდებლურ სამყაროს,” – განაცხადა გიორგი სიორიძემ.
ცნობისთვის, სრულიად საქართველოს კათოლიკოს-პატრიარქის, მცხეთა-თბილისის მთავარეპისკოპოსისა და ბიჭვინთისა და ცხუმ-აფხაზეთის მიტროპოლიტ შიო III-ის ინტრონიზაცია შედგა – ცერემონია სვეტიცხოვლის საკათედრო ტაძარში გაიმართა.