ემიგრაციაში მყოფი მამა პეტრე კოლხი მეუფე შიოს პატრიარქად არჩევას ეხმაურება:
„იმის მოუხედავად, რომ შიო მუჯირმა ჩემ მიმართ უსამართლო, ტენდენციური ვადაწყვეტილება მიიღო, არ მაქვს უფლება, პატარა ადამიანურ გულისწყრომაზე მაღლა არ დავდგე… თუმცა ჩემი პრობლემა ჩემთვის პატარა არა, სამყაროზე დიდია…
შიო მუჯირმა არ გაითვალისწინა არც ჩემი პიროვნება, არც პატრიარქის დამოკიდებულება ჩემდამი და არც ჩემი შვილების მდგომარეობა…. პარტიული ინტერესები უფრო მაღლა დააყენა და ჩემი მოშორებით ხარკი გადაუხადა ,,ქართულ ოცნებას”
მე მაინც ვთვლი, რომ დღეს კონსოლიდაცია, მხარში დგომა და ერთსულოვნება ისე გვჭირდება, როგორც არასდროს…
შეეწიოს შიო მღვიმელი და უძღოდეს იესო, ამ ურთულეს გზაზე….
ძალიან დიდი სურვილი მაქვს, ქრისტეს მიემსგავსოს და ადამიანების გულისტკივილი გულთან ახლოს მიიტანოს…. წაქცეული წამოაყენოს, მშიერი დააპუროს, მტირალს ცრემლი მოწმინდოს….
მინდა არა მხოლოდ ,,ქართული ოცნების” და მისი ამომრჩევლების პატრიარქი, არამედ ყველაზე უპოვარი, დაჩიავებული, უიმედოდ დარჩენილი ადამიანის პატრიარქიც იყოს…
ნიჭიერი ადამიანები დააფასოს, ემიგრანტები სამშობლოში დააბრუნოს და მთელი საქართველო გულში ჩაიკრას….“
საქართველოს ეკლესიამ ახალი კათოლიკოს- პატრიარქი აირჩია. ქვეყნის 142-ე კათოლიკოს – პატრიარქი საპატრიარქო ტახტის მოსაყდრე, სენაკისა და ჩხოროწყუს მიტროპოლიტი შიო (მუჯირი) გახდა. მეუფე შიომ 22 ხმა მიიღო.
რაც შეეხება პატრიარქობის სხვა კანდიდატებს, ურბნისისა და რუისის ეპარქიის მიტროპოლიტმა იობმა 9 ხმა მიიღო, ფოთისა და ხობის მიტროპოლიტმა გრიგოლმა კი 7 ხმა. გაუქმდა ერთი ხმა.
საქართველოს კათოლიკოს- პატრიარქი გაფართოებულ საეკლესიო კრებაზე აირჩიეს. გაფართოებული საეკლესიო კრების განმარტებით, ახალარჩეულ პატრიარქს შიო III ეწოდა.
შეგახსენებთ, სრულიად საქართველოს კათოლიკოს-პატრიარქი, უწმინდესი და უნეტარესი ილია II 93 წლის ასაკში 2026 წლის 17 მარტს გარდაიცვალა, რის შემდეგაც დღის წესრიგში დადგა საქართველოს მართლმადიდებელი ეკლესიის ახალი მამამთავრის არჩევის საკითხი.