ქობულეთში იაპონელ ველომოგზაურს და ხელოვანს, ნაოია ტაბიბიტოს, ველოსიპედი და პირადი ნივთების ნაწილი მოპარეს – მისი თქმით, უკვე დაუკავშირდა პოლიციას და ფაქტზე დაწყებულია გამოძიება.
„ველოსიპედი მომპარეს. ადგილმდებარეობა სანაპიროს გასწვრივ ფიჭვნარშია. თარიღი 9 მაისის ღამიდან 10 მაისის დილამდე. პოლიციის განყოფილებაში მივედი, პოლიციის თანამშრომლები ძალიან კარგად თანამშრომლობდნენ, შემთხვევის ადგილზე გამომყვნენ, სამეთვალყურეო კამერების ჩანაწერები და უახლოესი ადგილები შეამოწმეს. ასევე დავეკონტაქტე ხალხს, ვისთანაც გუშინ ქუჩაში დავმეგობრდი და ისინიც მეხმარებიან ინფორმაციის გავრცელებაში. ახლა მხოლოდ ლოცვა დამრჩენია. ეს ჩემი ველოსიპედია სახელად „რაისი“, რომელიც მსოფლიოს გარშემო მოგზაურობაში მიწევს კომპანიონობას“ – წერს მოგზაური სოციალურ ქსელში.“ ის „რაისით“ 2023 წლიდან მოგზაურობს.