ნიკორწმინდის ეპარქიის მღვდელმთავარი, მეუფე ვახტანგი (ლიპარტელიანი) ამბობს, რომ პატრიარქის არჩევნები ისე ჩაივლის, “როგორც საჭიროა”.
მან დღეს მედიას უთხრა, რომ მისი რჩეული კანდიდატი ჰყავს.
კითხვაზე – როგორც ფიქრობს, პირველივე ტურში მოხდება თუ არა პატრიარქის გამოვლენა – მეუფე თქვა “ვნახოთ, ნუ გავუსწრებთ მოვლენებს”.
“ისტორიული დღეა და სასიხარულო. ვულოცავ სრულიად საქართველოს ამ ბრწყინვალე დღესასწაულს. დარწმუნებული ვარ, ყველაფერი ჩაივლის ისე როგორც საჭიროა ჩვენი ერისთვის და ჩვენი ქვეყნისთვის. რა თქმა უნდა მყავს ჩემი კანდიდატი. ვერ გეტყვით (ვინმე მოხსნის თუ არა კანდიდატურას) არა მგონია”, – თქვა მეუფემ.
მეუფე ვახტანგს დღეს ასევე კითხვა დაუსვეს ეკლესიაში შესაძლო ჩარევების შესახებაც, რაზეც მიტროპოლიტმა განაცხადა, რომ “გამორიცხულია”.