ვერცერთ სასულიერო პირს, ეპისკოპოსს, ვერ დავადებ ხელს, რომ ვიღაც მივიდა და რაღაც უთხრა, – ამის შესახებ ჟურნალისტებს დეკანოზმა თეოდორე გიგნაძემ განუცხადა, რითაც უპასუხა შეკითხვას, რომლის მიხედვითაც, შესაძლოა, პატრიარქის არჩევნებისას ადგილი ჰქონდეს ჩარევებს.
როგორც დეკანოზმა აღნიშნა, ყველა ეპისკოპოსი არის ძალიან პრინციპული.
„ყველა ეპისკოპოსს ვიცნობ, ზოგიერთთან ძალიან ახლობლური ურთიერთობა მაქვს. ვერცერთს ვერ ვაკადრებ პირადად მე, რომ ვიღაცა მივიდა… მეტსაც გეტყვით, ვმეგობრობ ძალიან ბევრთან, ეს მეგობრობაც კი არ მაძლევდა მორალურ უფლებას, რომ მეთქვა, ჩემი სიმპათია გამომეხატა, პირად ურთიერთობებში. ვერცერთ სასულიერო პირს, ეპისკოპოსს, ვერ დავადებ ხელს, რომ ვიღაცა მივიდა და რაღაცა უთხრა. ყველა ძალიან პრინციპული ხალხია“, – განაცხადა დეკანოზმა თეოდორე გიგნაძემ.