პატრიარქობის არჩევნებამდე ერთი დღით ადრე ბოდბელი ეპისკოპოსიი ამბობს, რომ სინოდი გადაწყვეტილებას გავლენების გარეშე, დამოუკიდებლად მიიღებს. ამის შესახებ სასულიერო პირმა “ტვ პირველის” კითხვის საპასუხოდ ისაუბრა. მეუფე იაკობი სამების ტაძარში წირვაზე მივიდა, რომელსაც ამ წუთებში მეუფე შიო აღავლენს.
“არავინ არ ერევა, ხომ ვთქვი, რომ არ ერევიან”, – ამბობს მეუფე იაკობი.
მეუფე იაკობის მსგავსად მეუფე საბაც ამბობს, რომ ეკლესია გადაწყვეტილებას დამოუკიდებლად მიღებს.
“ხვალინდელი დღე არის ისტორიული დღე და წინასწარ ვერაფერს გეტყვით.რა თქმა უნდა, იქნება დამოუკიდებელი გადაწყვეტილება. პირადად ჩემთან არანაირი ჩარევა არ იყო, თუ ვინმესთან იყო, ალბათ თვიტონ იტყვის”, – ამბობს მეუფე საბა.
შეგახსენებთ, რომ პირველად ნახევარი საუკუნის შემდეგ ეკლესია ახალი პატრიარქისს არჩევისთვის ემზადება. ისტორიული კრების დაწყებამდე 26 საათია დარჩენილი. ვინ გახდება ახალი კათოლიკოს პატრიარქი, ამას სინოდი ხვალ ხმათა უმრავლესობით გადაწყვეტს. ეკლესიის ახალ მმართველს 20 ხმა სჭირდება.