ავსტრიაში კლიმატურ კონფერენციაზე ვიდეოჩართვის დროს კალიფორნიის ყოფილმა გუბერნატორმა არნოლდ შვარცენეგერმა ევროპის ლიდერებს მიმართა და მოსკოვისგნ ენერგორესურსების შეძენის შეწყვეტისკენ მოუწოდა, რადგან მისი თქმით ეს ფაქტობრივად უკრაინაში ომის დაფინანსებას ნიშნავს.
შვარცენეგერი აღნიშნავს, რომ ომის პირველ ორ თვეში რუსეთმა უკრაინის მისამართით 1300 რაკეტა გაუშვა, რომელთა ღირებულება 7,7 მილიარდი ევროა, ამავე პერიოდში ევროპამ რუსეთს ნავთობისა და ბუნებრივი აირის შესაძენად 44 მილიარდი ევრო გადაურიცხა.
„ჩვენ ხელი სისხლში გვაქვს გასვრილი, რადგან ომს ვაფინანსებთ. ყველაფერი უნდა გავაკეთოთ, რათა გავთავისუფლდეთ წიაღისეულ საწვავზე დამოკიდებულებისგან“ – განაცხადა შვარცენეგერმა