აქციებში მონაწილეობის გამო, სტუდენტებს პოლიცია პირდაპირ უნივერსიტეტბთან აკავებს – ანი ფრიდონაშვილი ერთ-ერთია, რომელიც იზოლატორში პირდაპირ ლექციებიდან აღმოჩნდა. ფრიდონაშვილი პროტესტის მონაწილეა და ლექციების შემდეგ აქციებზე დგას, სწორედ ამის გამო გაუშვეს ის ადმინისტრაციულ პატიმრობაში.
“თუ დღეს უნივერსიტეტის წინ გვაკავებენ, ხვალ ლექციაზე შემოგვიცვივდებიან და აუდიტორიიდან ძალის გამოყენებით გაგვათრევენ” – ასეთი მოლოდინი აქვთ ახალგაზრდებს, რომლებიც სწავლასა და პროტესტს ერთმანეთს უთავსებენ. სოლიდარობის ნიშნად, საპროტესტო გზავნილები დღეს საზოგადოებრივ ტრანსპორტშიც გამოჩნდა. ბანერი გაიშალა სიმბოლურად ილიაუნის ა კორპუსის წინ.
ყოველი კადრი, რომელიც საჯარო სივრცეში, აქტივისტების კრიმინალების მსგავსად დაკავებას ასახავს, საზოგადოებაში განსაკუთრებულ ბრაზს იწვევს. რა მიზანი აქვს ქართულ ოცნებას? სტუდენტები ნაწილი ფიქრობს რომ მიზანი შიშის დანერგვაა.
იურისტების ყურაღებას იქცევს დაკავების ფორმები საიას თავმჯდომარე, თამარ ონიანი ფიქრობს, რომ, არასაჭირო და დამამცირებელია ზურგსუკან ხელბორკილების დადება პირებზე, რომლებიც არც საფრთხეს წარმოადგენენ და არც გაქცევის რისკს ქმნიან.