“არსენალთან” რთული ფინალი გველის, მაგრამ აქამდეც დაგვიმტკიცებია, რომ ყველასთან შეგვიძლია გამარჯვება” – ხვიჩა კვარაცხელია

ჩემპიონთა ლიგის ნახევარფინალში ხვიჩა კვარაცხელიას პსჟ-მ „ბაიერნი“ (5:4, 1:1) დაამარცხა და ფინალის საგზური მოიპოვა.

„ძალიან გახარებულები ვართ, თუმცა ისიც ვიცით, რომ მეტად მნიშვნელოვანი მატჩი გველის „არსენალთან“. კონცენტრირებულები უნდა ვიყოთ. თუმცა არაერთხელ დაგვიმტკიცებია, რომ ბევრი რამ შეგვიძლია.

სადღეისოდ „ბაიერნი“ მსოფლიოს ერთ-ერთი საუკეთესო გუნდია. ყველაზე მეტად სწორედ მასთან გაგვიჭირდა. თუმცა, ყველას დავანახეთ, რომ ასეთ გუნდებთანაც შეგვიძლია გამარჯვება.

რაც შეეხება ჩემს თამაშს, ყოველდღიურად ბევრს ვმუშაობ საკუთარ თავზე. მიხარია, რომ შრომა მიფასდება, ფეხბურთი მიბრუნებს გოლებს და პასებს. თუმცა მთავარი გუნდის წარმატებაა. მიხარია, რომ ჩემი თამაშით პსჟ-ს გამარჯვებებში ვეხმარები“ – განაცხადა მატჩის შემდეგ კვარაცხელიამ.