Kanye West-ის კონცერტზე რამდენიმე გულშემატკივარს ბილეთის უსასყიდლოდ მიღების შესაძლებლობა ექნება – ინფორმაციას BMG ავრცელებს და წერს, რომ უფასო ბილეთის შანსის მისაღებად მსურველებმა რეგისტრაცია მომღერლის მუსიკალური ტურის ოფიციალურ ვებგვერდზე უნდა გაიარონ.
უფასო ბილეთის შანსის მისაღებად მსურველებმა რეგისტრაცია მომღერლის მუსიკალური ტურის ოფიციალურ ვებგვერდზე უნდა გაიარონ:
გაიარეთ რეგისტრაცია: ეწვიეთ სარეგისტრაციო ბმულს და შეიყვანეთ თქვენი მონაცემები.
შეინახეთ ალბომი Bully: რეგისტრაციის ბოლომდე მისაყვანად აუცილებელი პირობაა, რომ (მუსიკალურ სტრიმინგ პლატფორმებზე – Spotify, Apple Music) შეინახოთ (save) ქანიეს ალბომი სახელწოდებით Bully.
ამ ნაბიჯის შესრულების შემდეგ თქვენი რეგისტრაცია წარმატებულად ჩაითვლება.
რეგისტრაციის გავლა და ალბომის შენახვა ბილეთის გარანტიას არ იძლევა, თუმცა ოფიციალურ ვებგვერდზე აღნიშნულია, რომ წინასწარ დარეგისტრირებულთა დიდი სიიდან, სპეციალური შერჩევის პრინციპით, გამოვლინდება რამდენიმე ადამიანი, რომლებსაც თბილისის კონცერტის უფასო ბილეთები გადაეცემათ.
კონცერტზე დასასწრები ბილეთების ფასებზა და გაყიდვის ვადებზე ინფორმაცია ჯერჯერობით ცნობილი არ არის.
ცნობისთვის: YE თბილისში ლაივ შოუს Starring Georgia-ს მეოთხე სეზონის ფარგლებში გამართავს.