სასულიერო სემინარიის საბჭომ მიტროპოლიტი იობ აქიაშვილის საღვთისმეტყველო განათლება აღიარა, მიუხედავად იმისა, რომ მან განათლების დამადასტურებელი დიპლომი, სავარაუდოდ, დაკარგა – ინფორმაციას ამის შესახებ “ფორმულა” ავრცელებს.
“ის მტკიცებულებები, რომლებიც კომისიას წარედგინა, სავსებით საკმარისია და ადასტურებს იმას, რომ მიტროპოლიტმა იობმა ნამდვილად დაასრულა მცხეთისა და თბილისის სასულიერო სემინარია. შესაბამისად, მასზე დიპლომი გაიცემა“ – თქვა სასულიერო აკადემიისა და სემინარიის ხარისხის მართვის სამსახურის უფროსმა, დურმიშხან ლაშხმა “ფორმულასთან”.