საბერძნეთში, ნიგრიტას ციხეში დაწყებული ჩხუბის ინიციატორები, რომელსაც 2 ადამიანის სიცოცხლე ემსხვერპლა, საქართველოს და ალბანეთის მოქალაქეები იყვნენ – ინფორმაციას ამის შესახებ ბერძნული გამოცემა Tanea gr ავრცელებს.
მათი ცნობით, ჩხუბის ალბანეთისა და საქართველოს მოქალაქის გამო დაიწყო – დაპირისპირებაში კი კიდევ 9 ადამიანი მონაწილეობდა. თერთმეტივე მათგანი დააკავეს და იზოლირებულ ადგილას გადაიყვანეს. შემთხვევა ციხეში 4 აპრილს, გამთენიისას მოხდა. ერთ-ერთ საკანში მყოფი ოთხი პატიმარი მეზობელ საკანში მყოფ პატიმრებს ბასრი საგნებით დაესხნენ თავს, რაც მასშტაბურ ჩხუბში გადაიზარდა. შედეგად ალჯირიდს 46 წელისა და ერაყის 43 წლის მოქალაქეები დაიღუპნენ.
ბერძნული მედია წერს, რომ ეს იყო “პატიმრებს შორის ანგარიშსწორება”, რომელიც წარსულში არსებულ უთანხმოებას მოჰყვა.