“ჩვეულებრივად პროტოკოლის წესებს იცავენ ჩვენი ზრდილი პარტნიორები” – ამის შესახებ საქართველოს მეხუთე პრეზიდენტი სოციალურ ქსელში წერს და ირაკლი კობახიძის ერევანში, ევროპული პოლიტიკური გაერთიანების (EPC) მე-8 სამიტზე დასწრებას ეხმაურება.
მისი თქმით, “ხელის ჩამორთმევას და ორიოდე სიტყვის გაცვლას რამე განსაკუთრებული დატვირთვა არ აქვს”.
სალომე ზურაბიშვილი აღნიშნავს, რომ უფრო საინტერესოა კობახიძის უკრაინის პრეზიდენტ ვოლოდიმირ ზელენსკისთან საუბრის შინაარსი – “რუსეთის შესუსტების ფონზე, უნგრეთის შეცვლილ პოზიციის მსგავსად, საქართველოსაც ხომ არ უწევს უკრაინის მიმართ პოზიციის გადახედვა?”.
საზოგადოება შფოთავს ერევანის კობახიძეს “შეხვედრების” კადრებზე… თუმცა აქ არაფერი ახალი არაა, ამ კონფერენციას შარშანაც იყო მიწვეული და ჩვეულებრივად პროტოკოლის წესებს იცავენ ჩვენი ზრდილი პარტნიორები. ამიტომ ხელის ჩამორთმევას და ორიოდე სიტყვის გაცვლას რამე განსაკუთრებული დატვირთვა არ აქვს.
უფრო საინტერესოა ზელენსკისთან შეხვედრის შინაარსი! თუ ეს ნიშნავს, რომ რუსეთის შესუსტების ფონზე, უნგრეთის შეცვლილ პოზიციის მსგავსად, საქართველოსაც ხომ არ უწევს უკრაინის მიმართ პოზიციის გადახედვა? ნეტავ!
ზოგადად კი იმასაც უნდა ვაქცევდეთ ყურადღებას : საქართველო რეგიონში, ევროპისა და დასავლეთის სანდო პარტნიორის როლისთვის უარი რომ არ ეთქვა ორი წლის წინ, არა ერთი ლიდერი ერევნისკენ მიმავალ გზაზე ან დაბრუნებისას თბილისშიც რამდენიმე საათით მაინც გაჩერდებოდა. და საერთოდ ზურგი რომ არ შეგვექცია ჩვენი კონსტიტუციiთ დადგენილ ევროინტეგრაციის კურსისთვის სულაც თბილისში ჩატარდებოდა ეს მნიშვნელოვანი პანევროპული კონფერენცია.
სწორედ ის ფაქტი, რომ რეჟიმი იძულებულია თავი მოაწონოს ორიოდე შემორჩენილ ამომრჩეველს, ყოველდღიურად ნალანძღი ევროპის და უკრაინის ლიდერებთან გადაღებულ კადრებით, ყველა კომენტარზე ბევრის მთქმელია!” – წერს სალომე ზურაბიშვილი.